وسألتو انت ليه خبيت ان فيه حد ف حياتك انا مش هدايق ولا هزعل بس افهم قالي اديني وقتي سيبته وفضلت اني مضغطش ع حد انا مش حابه اني ادخل ف تفاصيل متخصنيش المهم اتعرفنا بما فيه الكفايا عن بعض ولقيتني بفكر فيه كتير وبيفهمني وحساس جدا وبيهتم بيا بشكل كبير جدا وكمية الحب والامان والحنيه مشفتهمش من اهلي لقيتهم فيه حسيت انه هو الدنيا بالنسبالي بس جيه اليوم الموعود وعرفت انه طلع متجوز ودي
كانت الصدمه بالنسبالي حسيت قلبي اتشرخ نصين قولت هبعد وهستغني حسيت اني اتخدعت بس مكنش سهل عليا ابعد ابدا وانا ف امس الحاجه للرحمه والاهتمام الي عشت طول عمري اتمناها مع العلم اني بقراء قراءن ديما وبصلي وقريبه من ربنا بس انا اتزفت ومش قادره الاقي حد يفهمني قد ماهو فهمني وتعبت بشكل مش طبيعي معاه عملتلو بلوكات وسبت الشغل محاوطني ف كل مكان حرفيا بيبكي اني بعيده عنه بيتمنالي الرضي بس انا مش عايزه انا ازاي ادمر بيت ع حساب سعادتي ده اذا كانت فيها سعاده اصلا انا مش مستوعبه الي انا فيه انا معرفتش غير لما اتعلقت بيه حاسه اضطريت اني افك البلوك
عشان اسمعه يمكن يطلع انسان فعلا مش كويس وابطل افكر فيه كلمتو وقالي انها مش كويسه معاه وانفصله مرتين وانها وانها بس مقالش اي حاجه ټجرح انوثتها او غلط فيها كان كلامه كلو عن انه مش لاقي الي يفهمه قد ما انا فهماه وبيضغط عليا لانه عارف اني حبيت اهتماته وحبه وحاسه اني حبيته بجد وجوايا مشاعر صادقه وقويه ليه مش مصدقه بجد اني ف موقف زي ده انا بس ف حالة زهول اني احب واحد متجوز فيه كل حاجه بتمناها سنو كويس تفكيره اسلوبه كلامه حتي صوته كل حاجه تقريبا الا انه متجوز حرفيا بيضغط عليا عشان نتجوز وقالي هعملك فرح كبييير وكل الي يعرفني ويعرفك هيجو وقالي ان مراتو هتبقي عارفه وانها اكبر منه ف بكام سنه وانه بيتمني يقابلي وطبعا بحكم الي شوفته ف سني عقلي بقي اكبر من اني اتجوز واحد سنو صغير انا برفض عرسان بسبب سنهم انا شكلي اصغر من سني ومخلفتش انا بتمني استقر بسبب
ضغط اهلي ف موضوع الجواز ده والمرار الي بشوفو من اخواتي وغير انهم مديقين جدا اني برفض كل العرسان دي واني جميله والعين عليا ولازم استقر عشان يشوفو عيالي والكلام ده تعبت من زنهم بس انا مستحيل اني اتجوز واحد متجوز انا مش هبقي سبب ف خړاب بيت حتي لو البيت ده غير صالح انه يبقي كويس بس مبقاش سبب بس حرفيا كل ماابعد اهتماته وحبه يزيده ورقته ولهفته عليا
وخوفه عليا وانه عايزني بشرع ربنا وحاجات كتير انا مش هتجوزه حتي لو مراته اتصلت تقنعني انا مش ضامنه انه ممكن يتقلب معايا زي ما قدر يخبي عليا من البدايه انا اضعف من اني اتأذي تاني حياتي بايظه مع اهلي بسبب رفض الجواز وتفكيري متشتت اوووي بسبب مشاعري وتفكيري ف الانسان ده بقي اليوم الي مكلموش فيه نفسيتي بتتعب وبحس اني مش بخير بس مش بعشمه فيا ويعلم ربنا بل بالعكس قولتلو ع
حاجات كتير تخليه يكرهني وانزل ف نظره وبرضو مكمل وتعمدت اني احسسه اني ف دماغي حد حرفيا بقي مڼهار من الزعل وبرغم كده كان بيتعصب بطريقه متجرحنيش متأكده انها فتره بالنسبالي وزهوتي هتخلص بالنسبالو برضو لما يطولني وهيرجع لبيته وعيالو حتي لو فيهم اذي الدنيا وانا هفضل وحيده العمر كلو ويمكن مترحمش كمان بس حتي لو هو ملاك مش هاجي ع ست زي زيها ولا هجرحها حتي لو هي مش بتحبو زي ما بيقولي انا مش هبني سعادتي ع حساب غيري انا كل الحكايه عايزه اطلعو من حياتي وابعد عنه لاكن مش عارفه بحس قلبي بيتلهف عليه كأني اول مره ف حياتي احب حد بسمع اسمه برتعش اقسم بالله لا قادره ابعد ولا هينفع اقرب ولا هقدر اقرب انا مش هدخل بيت مش بتاعي واقول ملكي انا مرضهاش والله بس تعبت بعيط كل يوم وبهدا بس لما بسمع صوته وبيقولي ازيك مش عارفه اعمل ايه نزلي مشكلتي واتمني عشان خاطر ربنا محدش يجرحني كفايا الي بعملو ف نفسي ومش مسامحه نفسي ف الي بعملو مش هرضاها ع نفسي بس والله ما بقولو كلمه حتي تبل ريقه ولا براضيه بكلمه كويسه ده بالعكس بقعد اقولو انت خاېن ومش كويس والله بيتحمل مني كلام كبير وف نفس الوقت بقولو لنفسي اعمل ايه اطلعو من قلبي ازاي وابعده عني ازاي فدوني من غير ما تكسرو نفسي انا فعلا تعبانه
